teks qasidah Lamyahtalim/malam jum'at

Nabi hantom neumeuleumpoe malam uroe seulama-lama

meuseumeungeub nabi pih tan nibak zameun sepanjang masa

binatang kleut hantom jiplueng o’h meuteumeung ngoen saidina

lalat jamok pih hantom roeh nibak tuboh yang mulia

keu ngen likot deuh neukaloen hana teusom bak saidina

neutoh iek na beukasan tan, wajeb taulan ta peucaya

hate nabi hantom teungeut yang na teupet dua mata

meubayang tan dalam uroe hireun laloe takaloen rupa

watei neudeuk lam kawan le manyang bahoe diSaidina

yoeh wiladah tan meuligan kalheuh khatan yoh masa na

yang siploh nyoe sifeut nabi wajeb turi hai saudara

soe yang hafai yang siploh nyoe tutong karam tuhan peularha

Malam Jum’at

Malam jeumu’at ulama peugah

Jiwoe aruwah u rumoh tangga

Jak saweu aneuk nyang ka neukeubah, Lakee seudeukah meusikreek do’a

Jak saweu aneuk nyang ka neukeubah, Lakee seudeukah meusikreek do’aaaaa…

Geudong bak pinto jaroe meulayang

Arwah masa nyan geu ro ie mata

Geu ingat aneuk mantoeng di alam, Yue tuloung gobnyan meusikreek do’a

Geu ingat aneuk mantoeng di alam, Yue tuloung gobnyan meusikreek do’aaaaa…

Bajee ngon ija tinggai keunangan

Pat tanyoe pandang ‘oeh meuchein mata

Tinggai bak lawah ngon bate nisan

Troeh bak kuburan mangat ta tandaaaaaaaa…

Makanan mangat tan lee neupeusan

Tan lee neusayang rumoh nyang raya

Nyang na neuharap nibak masa nyan, Do’a bak tuhan ngon hate ridzha

Nyang na neuharap nibak masa nyan, Do’a bak tuhan ngon hate ridzhaaaaa…

Ureung nyan tan lee loen bouh tamsilan

Ibarat karam lam laot raya

Meu apong-apong dalam geulumbang

Sebab laot nyan binteh jih hanaaaaaaaa…

Tanyoe yang tinggai ta ci tabayang

Keu ureung yang ka dalam keureunda

Geutanyoe mangat  ta eh bak tilam, Tapi di gobnyan lam supot buta

Geutanyoe mangat  ta eh bak tilam, Tapi di gobnyan lam supot butaaaaa…

Masa lam donya mangat that ta eh

Bantai meutindeh ngon sipree sutra

       Oeh watee mate lam kubu ta eh

Tanoh keu binteh buboeng keureunda

Oleh seubab nyan wahe e rakan

Oeh lheuh sembahyang takirem do’a

Tanyoe meulake bak sidroe tuhan

Supaya gob nyan beumeubahgia

Malam jeumu’at ulama peugah

Jiwoe aruwah u rumoh tangga

Jak saweu aneuk nyang ka neukeubah, Lakee seudeukah meusikreek do’a

Jak saweu aneuk nyang ka neukeubah, Lakee seudeukah meusikreek do’aaaaa…